- Album Intro
- Lyrics
- Album list
農村武裝青年
-
一幕一幕
青春的風景 一幕一幕 面前吹來一陣清香的風 牽起你的手 嘴念囝仔歌 脫赤腳來散步吹著稻仔香的風
禮拜三下埔 是囝仔的天空 作伙來七逃 控番薯摳 溪水冷吱吱 心涼脾透開 摺好一隻船 放給溪裡說要留給大海
這是阮故鄉的土地 青青的菜瓜 黃黃的花 惦在他鄉打拼的我 思念厝內辛苦的阿母
故鄉寫來一張相思批 帶著一朵黃黃的菜瓜花 阿母望阮頭路順遂 去媽祖婆那替我求來一個平安火
這是阮故鄉的土地 青青的菜瓜 黃黃的花 惦在他鄉打拼的我 思念厝內辛苦的阿母
西北雨直直落 鯽仔魚卜娶某 鮕鮐兄拍鑼鼓 媒人婆仔土虱嫂
青春的風景 一幕一幕 面前吹來一陣清香的風 牽起你的手 嘴念囝仔歌 脫赤腳來散步卻聞不到稻仔香的風 阮找無囝仔時袸的幸福
--------------------------------------------
《一幕一幕》Tsi̍t-bōo Tsi̍t-bōo 農村武裝青年樂團 Lông-tshuan Bú-tsong Tshing-liân Ga̍k-thuân 主唱:阿達 A-ta̍t (江育達 Kang Io̍k-ta̍t)
青春的風景 tshing-tshun ê hong-kíng 一幕一幕 tsi̍t-bōo tsi̍t-bōo 面前吹來 bīn-tsîng tshue lâi 一陣清芳的風 tsi̍t-tsūn tshing-phang ê hong 牽起你的手 khan-khí lí ê tshiú 喙唸囡仔歌 tshuì liām gín-á-kua 褪赤跤來散步 thǹg-tshiah-kha lâi sàn-pōo 吹著稻仔芳的風 tshue tio̍h tiū-á-phang ê hong
禮拜三的下晡 lé-pài-sann ê ē-poo 是囡仔的天空 sī gín-á ê thian-khong 做伙來𨑨迌 tsò-hué lâi tshit-thô 炕蕃薯箍 khòng han-tsî-khoo 溪水冷吱吱 khe-tsuí líng-ki-ki 心涼脾土開 sim liâng pî-thóo khui Find more lyrics at ※ Mojim.com 拗好一隻紙船仔 áu hó tsi̍t-tsiah tsuá-tsûn-á 囥落溪底流向大海 khǹg lo̍h khe-té lâu-hiòng tuā-hái
這是阮故鄉的土地 tse sī gún kòo-hiong ê thóo-tē 青青的菜瓜 tshinn-tshinn ê tshài-kue 佮黃黃的花 kah n̂g-n̂g ê hue 踮在他鄉拍拚的我 tiàm-tsāi thann-hiong phah-piànn ê guá 思念厝內辛苦的阿母 su-liām tshù-lāi sin-khóo ê a-bú
故鄉寫來一張思念的批 kòo-hiong siá lâi tsi̍t-tiunn su-liām ê phue 佮著一蕊黃黃的菜瓜花 kah-tio̍h tsi̍t-luí n̂g-n̂g ê tshài-kue hue 阿母望阮來頭路順遂 a-bú bāng gún lâi thâu-lōo sūn-suī 去媽祖婆遐 khì Má-tsóo-pô hia 替阮求一個平安火 thè gún kiû tsi̍t-ê pîng-an hué
阮故鄉的美麗 gún kòo-hiong ê bí-lē 青青的菜瓜 tshinn-tshinn ê tshài-kue 佮黃黃的花 kah n̂g-n̂g ê hue 踮在他鄉拍拚的我 tiàm-tsāi thann-hiong phah-piànn ê guá 思念厝內辛苦的阿母 su-liām tshù-lāi sin-khóo ê a-bú
西北雨直直落 sai-pak-hōo ti̍t-ti̍t lo̍h 鯽仔魚欲娶某 tsit-á-hî beh tshuā-bóo 鮕鮘兄拍鑼鼓 koo-tai-hiann phah lô-kóo 媒人婆土蝨嫂 muî-lâng-pô thóo-sat-só
青春的風景 tshing-tshun ê hong-kíng 一幕一幕 tsi̍t-bōo tsi̍t-bōo 面前吹來 bīn-tsîng tshue lâi 一陣清芳的風 tsi̍t-tsūn tshing-phang ê hong 牽起你的手 khan-khí lí ê tshiú 喙唸囡仔歌 tshuì liām gín-á-kua 褪赤跤來散步 thǹg-tshiah-kha lâi sàn-pōo 煞鼻無稻仔芳的風 suah phīnn bô tiū-á-phang ê hong 阮揣無囡仔時陣的幸福 gún tshuē-bô gín-á sî-tsūn ê hīng-hok
- Special thanks to 愛歹丸 for sharing the lyric.
- Special thanks to W.B. Chen for correcting the lyric.
- Related Links: W.B. Chen
|