- Lyrics
- Album list
農村武裝青年
-
濁水溪出代誌
Lyricist:阿達 Composer:阿達
長長的溪 濁濁的水 從南投流出彰化平原 全長186公里 溪水帶著土沙 濁水溪是伊的名 日本時代以南種甘蔗以北種稻米 也是台灣天然和人文的界線
聽阿母仔咧講起咱彰化平原的稻子是用濁水溪的水來飼大欉 住在彰化平原的囝仔嘛是喝濁水溪的水來大漢
濁水溪 濁水溪 母親之河 台灣的溪 濁水溪 濁水溪 受到人為的破壞 咱母親的眼淚流不停
濁水溪已經出代誌 大量的溪水來送到麥寮工業區去用 濁水溪已經出代誌 未來科學園區的毒水聽說也要排落去 濁水溪已經出代誌 出海口說要建工廠溪流的沙要流兜位去 濁水溪已經出代誌 乾乾的溪流看無水 熊熊吹起一陣風飛沙
濁水溪已經出代誌 濁水溪咧生氣 濁水溪咧破病 濁水溪要報冤仇 濁水溪已經出代誌 濁水溪咧生氣 濁水溪咧破病 濁水溪要報冤仇
溫柔的風 吹過濁水溪畔 溫柔的水 流過彰化平原 故鄉的囝仔做伙守護飼咱大漢的濁水溪
溫柔的風 吹過濁水溪畔 溫柔的水 流出彰化海岸 流浪的子兒想起阿母講的話轉來故鄉維護咱的土地
(感謝彰化環盟蔡嘉陽理事長、施月英總幹事與兩位員工,為了我規畫了一場濁水溪深度之旅,讓我重新認識這條母親之和濁水溪。)
-----------------------------------------------------
《濁水溪出代誌》Lô-tsuí-khe Tshut-tāi-tsì 農村武裝青年樂團Lông-tshuan Bú-tsong Tshing-liân Ga̍k-thuân 主唱:阿達 A-ta̍t(江育達Kang Io̍k-ta̍t)
長長的溪 tn̂g-tn̂g ê khe 濁濁的水 lô-lô ê tsuí 對南投流出彰化平原 uì Lâm-tâu lâu tshut Tsiong-huà pîng-guân 全長一百八十公里 tsuân tn̂g 180 kong-lí 溪水帶著塗沙 khe-tsuí tuà tio̍h thôo-sua 濁水溪是伊的名 Lô-tsuí-khe sī i ê miâ
日本時代 Ji̍t-pún Sî-tāi 以南種甘蔗以北種稻仔 í-lâm tsìng kam-tsià í-pak tsìng tiū-á 也是台灣天然佮人文的界線 iā-sī Tâi-uân thian-jiân kah jîn-bûn ê kài-suànn
聽阿母仔咧講起 thiann a-bú--á leh kóng-khí 伊講彰化平原的稻仔 i kóng Tsiong-huà Pîng-guân ê tiū-á 是用濁水溪的水來飼大欉 sī iōng Lô-tsuí-khe ê tsuí lâi tshī tuā-tsâng 蹛佇彰化平原的囡仔 tuà tī Tsiong-huà Pîng-guân ê gín-á 嘛是啉濁水溪的水來大漢 mā sī lim Lô-tsuí-khe ê tsuí lâi tuā-hàn
濁水溪 Lô-tsuí-khe 濁水溪 Lô-tsuí-khe 母親之河 bú-tshin tsi hô 台灣的溪 Tâi-uân ê khe 濁水溪 Lô-tsuí-khe 濁水溪 Lô-tsuí-khe 受著人為的破害 siū-tio̍h jîn-uî ê phò-hāi 咱的母親的目屎流袂停 lán ê bú-tshin ê ba̍k-sái lâu buē-thîng
你敢知濁水溪已經出代誌 lí kám tsai Lô-tsuí-khe í-king tshut-tāi-tsì 大量的溪水 tuā-liōng ê khe-tsuí 來送到麥寮工業區去用 Find more lyrics at ※ Mojim.com lâi sàng kàu Be̍h-liâu Kang-gia̍p-khu khì īng 濁水溪已經出代誌 Lô-tsuí-khe í-king tshut-tāi-tsì 未來科學園區的毒水 bī-lâi Kho-ha̍k-hn̂g-khu ê to̍k-tsuí 聽講嘛欲排落去 thiann-kóng mā beh pâi--lo̍h-khì 濁水溪已經出代誌 Lô-tsuí-khe í-king tshut-tāi-tsì 出海口講欲起工場 tshut-hái-kháu kóng beh khí kang-tiûnn 溪流的沙欲流佗位去 khe-liû ê sua beh lâu tó-uī khì 濁水溪已經出代誌 Lô-tsuí-khe í-king tshut-tāi-tsì 焦焦的溪流看無水 ta-ta ê khe-liû khuànn-bô tsuí 雄雄吹來一陣風飛沙 hiông-hiông tshue lâi tsi̍t-tsūn hong-pue-sua
濁水溪出代誌 Lô-tsuí-khe tshut-tāi-tsì 濁水溪咧受氣 Lô-tsuí-khe leh siūnn-khì 濁水溪咧破病 Lô-tsuí-khe leh phuà-pēnn 濁水溪欲報冤仇 Lô-tsuí-khe beh pò uan-siû 濁水溪出代誌 Lô-tsuí-khe tshut-tāi-tsì 濁水溪咧受氣 Lô-tsuí-khe leh siūnn-khì 濁水溪咧破病 Lô-tsuí-khe leh phuà-pēnn 濁水溪欲報冤仇 Lô-tsuí-khe beh pò uan-siû
你敢知濁水溪已經出代誌 lí kám tsai Lô-tsuí-khe í-king tshut-tāi-tsì 大量的溪水 tuā-liōng ê khe-tsuí 來送到麥寮工業區去用 lâi sàng kàu Be̍h-liâu Kang-gia̍p-khu khì īng 濁水溪已經出代誌 Lô-tsuí-khe í-king tshut-tāi-tsì 未來科學園區的毒水 bī-lâi Kho-ha̍k-hn̂g-khu ê to̍k-tsuí 聽講嘛欲排落去 thiann-kóng mā beh pâi--lo̍h-khì 濁水溪已經出代誌 Lô-tsuí-khe í-king tshut-tāi-tsì 出海口講欲起工場 tshut-hái-kháu kóng beh khí kang-tiûnn 溪流的沙欲流佗位去 khe-liû ê sua beh lâu tó-uī khì 濁水溪已經出代誌 Lô-tsuí-khe í-king tshut-tāi-tsì 焦焦的溪流看無水 ta-ta ê khe-liû khuànn-bô tsuí 雄雄吹來一陣風飛沙 hiông-hiông tshue lâi tsi̍t-tsūn hong-pue-sua
溫柔的風 un-jiû ê hong 吹過濁水溪畔 tshue kuè Lô-tsuí-khe puān 溫柔的水 un-jiû ê tsuí 流過彰化平原 lâu kuè Tsiong-huà Pîng-guân 故鄉的囡仔 kòo-hiong ê gín-á 做伙守護 tsò-hué siú-hōo 飼咱大漢的濁水溪 tshī lán tuā-hàn ê Lô-tsuí-khe
溫柔的風 un-jiû ê hong 吹過濁水溪畔 tshue kuè Lô-tsuí-khe puān 溫柔的水 un-jiû ê tsuí 流出彰化海岸 lâu tshut Tsiong-huà hái-huānn 流浪的囝兒 liû-lōng ê kiánn-jî 想起阿母講的話 siūnn-khí a-bú kóng ê uē 轉來故鄉維護咱的土地 tńg-lâi kòo-hiong uî-hōo lán ê thóo-tē
- Special thanks to W.B. Chen for correcting the lyric.
- Related Links: W.B. Chen
|