- 专辑介绍
- 歌词
- 专辑列表
- 歌手介绍
台客电力公司
-
情落深坑2023
作词:柯大堡 作曲:柯大堡 编曲:柯大堡, 陈有亿
时代将两人拆分开 社会稀微 哀怨满天 毋甘跋落红尘的伊 无倚无依 暗淡的月娘当时圆 恬恬问天 等无答应 犹原是茫渺的深更 硝烟四起
伫战乱的社会 为世间人赎罪 向望有一天日子会好过 牺牲淡薄仔青春算啥货 是你予我的鼓励 伫战乱的社会 为世间人赎罪 身躯内满满为土地的热血 破腹换来反背 毋捌后悔 甘愿为情落深坑
无望的时代当时才会当食一顿饱 亡命之徒看来嘛是为著度生活 今嘛是欲哭无声 今嘛是枉死无名 今嘛是天公伯来看嘛毋知欲按怎 规气 青春放乎去 无惊无代志 起身反抗的声音今已经响起 结拜兄弟 揪揪咧咱嘛归阵 团结大家的志气卡赢坐伫遐等死 (天星坠落地 命运拢黑白灰(无影无迹) 反势早就注定 这世的命格) 毋免讲予谁听 毋免作予谁看 行出这个门 我本来对家己就无咧按算 会当笑我空 会当笑我戆 就算越头予我一刀我嘛会当原谅
毋惊 漂浪远洋的船只 一定会靠岸 就算我满身伤痕 嘛一定转来陪你行
为世间人受罪 误解嘛无问题 向望有一天日子会好过 牺牲淡薄仔青春算啥货 是你放下自己的鼓励 为世间人受罪 误解嘛无问题 身躯内满满为土地的热火 破腹换来反背 我嘛袂后悔 甘愿为情落深坑
------------------------------------------
《情落深坑》Tsîng Lo̍h Tshim-khinn 柯大堡Kua Tāi-pó
时代将两人拆分开 sî-tāi tsiong nn̄g-lâng thiah hun-khui 社会稀微 siā-huē hi-bî 哀怨满天 ai-uàn buán-thinn 毋甘跋落红尘的伊 m̄-kam pua̍h-lo̍h hông-tîn ê i 无倚无依 bô-uá bô-i 暗淡的月娘 àm-tām ê ge̍h-niû 当时圆 tang-sî înn 恬恬问天 tiām-tiām mn̄g thinn 等无答应 tán bô tah-ìng 犹原是 iu-guân sī 茫渺的深更 bông-biáu ê tshim-kinn 硝烟四起 siau-ian sù-khí
伫战乱的社会 tī tsiàn-luān ê siā-huē 为世间人赎罪 uī sè-kan-lâng sio̍k-tsuē 向望有一工 ǹg-bāng ū-tsi̍t-kang 日子会好过 ji̍t-tsí ē hó-kuè 牺牲淡薄仔青春 hi-sing tām-po̍h-á tshing-tshun 算啥货 sǹg siánn-huè 是你予我的鼓励 sī lí hōo guá ê kóo-lē
伫战乱的社会 tī tsiàn-luān ê siā-huē 为世间人赎罪 uī sè-kan-lâng sio̍k-tsuē 身躯内 sin-khu lāi 满满为土地的热血 muá-muá uī thóo-tē ê jia̍t-hueh 破腹换来反背 phuà-pak uānn lâi huán-puē 毋捌后悔 m̄-bat hiō-hué 甘愿为情落深坑 kam-guān uī tsîng lo̍h tshim-khenn
↓↓(RAP)---(RAP)---(RAP)↓↓ 无望的时代 bô-bāng ê sî-tāi 当时才会当 tang-sî tsiah ē-tàng 食一顿饱 tsia̍h tsi̍t-tǹg pá 亡命之徒 bông-miā tsi tôo 更多更详尽歌词 在 ※ Mojim.com 魔镜歌词网 看来嘛是 khuànn--lâi mā sī 为著度生活 uī-tio̍h tōo sing-ua̍h 这马是欲哭无声 tsit-má sī beh khàu bô-siann 这马是枉死无名 tsit-má sī óng-sí bô-miâ 这马是天公伯来看 tsit-má sī thinn-kong-peh lâi khuànn 嘛毋知欲按怎 mā m̄-tsai beh án-tsuánn
规气青春放予去 kui-khì tshing-tshun pàng hōo khì 无惊无代志 bô kiann bô tāi-tsì 起身反抗的声音 khí-sin huán-khòng ê siann-im 这阵已经响起 tsín í-king hiáng khí 结拜兄弟 kiat-pài hiann-tī 招招咧 tsio-tsio--leh 咱嘛规阵 lán mā kui-tīn 团结逐家的志气 thuân-kiat ta̍k-ke ê tsì-khì 较赢坐伫遐等死 khah-iânn tsē tī hia tán sí
天星坠落地 thinn-tshinn tuī lo̍h-tē 命运拢乌白花 miā-ūn lóng oo-pe̍h hue 无影无迹 bô-iánn-bô-tsiah 凡势早就注定 huān-sè tsá tiō tsù-tiānn 这世的命格 tsit-sè ê miā-keh 毋免讲予谁听 m̄-bián kóng hōo siáng thiann 毋免做予谁看 m̄-bián tsò hōo siáng khuànn 行出这个门 kiânn tshut tsit ê mn̂g 我本来对家己 guá pún-lâi tuì ka-kī 就无咧按算 tiō bô teh àn-sǹg 会当笑我悾 ē-tàng tshiò guá khong 会当笑我戆 ē-tàng tshiò guá gōng 就算越头予我一刀 tō-sǹg ua̍t-thâu hōo guá tsi̍t-to 我嘛会当原谅 guá mā ē-tàng guân-liōng ↑↑(RAP)---(RAP)---(RAP)↑↑
毋惊漂浪远洋的船只 m̄-kiann phiau-lōng uán-iûnn ê tsûn-tsiah 一定会靠岸 it-tīng ē khò-huānn 就算我满身伤痕 tiō-sǹg guá muá-sin siong-hûn 嘛一定转来陪你行 mā it-tīng tńg-lâi puê lí kiânn
为世间人受罪 uī sè-kan-lâng siū-tsuē 误解嘛无问题 gōo-kái mā bô būn-tê 向望有一工 ǹg-bāng ū-tsi̍t-kang 日子会好过 ji̍t-tsí ē hó-kuè 牺牲淡薄仔青春 hi-sing tām-po̍h-á tshing-tshun 算啥货 sǹg siánn-huè 是你放下自己的鼓励 sī lí hòng-hā tsū-kí ê kóo-lē
为世间人受罪 uī sè-kan-lâng siū-tsuē 误解嘛无问题 gōo-kái mā bô būn-tê 身躯内 sin-khu lāi 满满为土地的热火 muá-muá uī thóo-tē ê jia̍t-hué 破腹换来反背 phuà-pak uānn lâi huán-puē 我嘛袂后悔 guá mā buē hiō-hué 甘愿为情落深坑 kam-guān uī tsîng lo̍h tshim-khenn
- 感谢 W.B. Chen 修正歌词
- 友站连结: W.B. Chen
|