- 专辑介绍
- 歌词
- 专辑列表
- 歌手介绍
台客电力公司
-
老厝边
作词:柯大堡 作曲:柯大堡
喂!食饱袂? ㄟ~还袂呢 来阮遐食饭啊! 免啦免啦,按呢共你麻烦 袂啦!咱做伙啊! 不是啦!我转去食就好啦 嗯三八!咱家己的你是哩..
上好料毋免看功夫 来阮遐就有 食饱搁唱歌兼跳舞喔 免惊会毋捌 啊以早的朋友 开讲咱厝边 往过的故事
勇伯啊怹囝敖读书啊 事业嘛真敖舞 牵予怹老爸啊一只Benz喔 啊顶个月 搁起新厝 阮伫路哩相拄 笑讲当初煞无人看伊有
勇伯啊!诚久毋看了呢! 蛤?啊!你转来了喔! wo~气色这好!诚好诚好! 嘿啊嘿啊!啊你咧?你好否? OK~袂卖袂卖,嘿呀。 好好!诚好诚好! 来阮兜食饭啊!做伙做伙齁!
鸭咪仔怹大姊 落尾啊嫁去洛杉矶 听讲怹翁是趁了诚济钱喔 等一个金孙等半年啊 见无一面 䞐怹老母啊佮伊底厝里
鸭咪仔!您母啊咧歇困喔? 你谁? 嘘,莫共吵莫共吵! 喔!你转来了哦! 下暗带伊来阮兜食饭喔! 啊阮灶跤…. 嘿!免煮免煮!先按呢!
唱咱的Melody 心凉脾肚开 老朋友来斗阵 是欢喜啊的代志 唱咱的Melody 心凉脾肚开 烦恼共放予去 腹内是全趣味 予咱~好过日哦
离家多年啊的关心 嘛袂走精 天下间就是台湾上惜情哦 街仔头 巷仔尾 厝边若亲戚彼呢亲 定定嘛喝欲办一桌请你
唱咱的Melody 心凉脾肚开 老朋友来斗阵 是欢喜啊的代志 唱咱的Melody 心凉脾肚开 烦恼共放予去 腹内是全趣味
唱咱的Melody 心凉脾肚开 老朋友来斗阵 是欢喜啊的代志 唱咱的Melody 心凉脾肚开 自今仔日开始 世界的大门开 予咱~行出来去喔
勇伯啊! 蛤? 啊别人食饭饱拢咧跳舞,你搁坐伫遐? 坐相久了,跤麻… 蛤? 跤麻去矣! 按呢喔?!按呢我共你扶我共你扶。 喔!谢谢,谢谢! 行较慢,行较慢咧。 齁~险嘛袂行路!
------------------------------------------
15107/《老厝边》Lāu-tshù-pinn 台客电力公司Tâi-kheh Tiān-li̍k-kong-si
↓---(口白/对话)---↓ 欸!食饱未 eh! tsia̍h-pá--bē? 犹未呢 iáu-bē--neh 来阮遐食饭啊 lâi gún hia tsia̍h-pn̄g--ah! 免啦免啦按呢共你麻烦 bián--lah bián--lah án-ne kā lí mâ-huân 袂啦!咱做伙啊! buē--lah! lán tsò-hué--ah! 毋是啦!我转去食就好啦 m̄-sī--lah! guá tńg-khì tsia̍h tiō hó--lah 嗯,三八!咱家己的,你是咧… ngh, sam-pat! lán ka-kī--ê, lí sī leh… ↑---(口白/对话)---↑
上好料 siōng hó-liāu 毋免看功夫 m̄-bián khuànn kang-hu 来阮遐就有 lâi gún hia tō ū 食饱阁唱歌 tsia̍h-pá koh tshiùnn-kua 兼跳舞喔 kiam thiàu-bú--ooh 免惊仔会毋捌啊 bián kiann-á ē m̄-bat--ah 以早的朋友 í-tsá ê pîng-iú 开讲咱厝边 khai-káng lán tshù-pinn 往过的故事啊 íng-kuè ê kòo-sū--ah
勇伯仔怹囝𠢕读书啊 Ióng-peh--á in kiánn gâu tha̍k-tsu--ah 事业嘛诚𠢕舞 sū-gia̍p mā tsiânn gâu bú 牵予怹老爸仔 khan hōo in lāu-pē á 一只Benz喔 tsi̍t-tsiah Bèn-juh--ooh 啊顶个月 ah tíng kò-ge̍h 阁起新厝 koh khí sin-tshù 阁伫路里相拄 koh tī lōo--ní sio-tú 更多更详尽歌词 在 ※ Mojim.com 魔镜歌词网 笑讲当初 tshiò-kóng tong-tshoo 煞无人看伊有 suah bô-lâng khuànn i ū
↓---(口白/对话)---↓ 勇伯仔! Ióng peh--á! 诚久无看着呢 tsiânn kú bô khuànn--eh neh 乎啊!啊转来矣喔 honnh-ah! ah tńg--lâi ah-ooh 喔!啊气色遮好!诚好诚好 ooh! ah khì-sik tsiah hó! tsiânn hó tsiânn hó! 嘿啊嘿啊!啊你咧?你好无? hennh-ah hennh-ah! ah lí--leh? lí hó--bô? OK~袂䆀袂䆀,嘿啊 OK~ Buē-bái buē-bái, hennh--ah 好好!诚好诚好 hó-hó! tsiânn hó tsiânn hó 来阮兜食饭啊!做伙做伙乎! Lâi gún tau tsia̍h-pn̄g--ah! tsò-hué tsò-hué--honnh! ↑---(口白/对话)---↑
鸭咪仔怹大姊 ah-bî-á in tuā-tsí 落尾啊嫁去洛山矶 lo̍h-bué--ah kè khì lo̍k-san-ki 听讲怹翁 thiann-kóng in ang 是趁了诚济钱喔 sī thàn liáu tsiânn tsuē tsînn--ooh 等一个金孙 tán tsi̍t-ê kim-sun 等半年矣 tán puànn-nî--ah 见无一个面 kìnn bô tsi̍t-ê bīn 䞐怹老母啊 tshun in lāu-bú--ah 佮伊咧厝里 kah i teh tshù--ní
↓---(口白/对话)---↓ 鸭咪仔!您母仔咧歇困喔 ah-bî-á! lín bú--á teh hioh-khùn--ooh 你谁? lí siáng? 嘘,莫共吵莫共吵 si, mài kā tshá mài kā tshá 喔!你转来矣喔 ooh! lí tńg--lâi ah-ooh 下暗𤆬伊来阮兜食饭乎 e-àm tshuā i lâi gún tau tsia̍h-pn̄g--honnh 啊阮灶跤…. ah gún tsàu-kha…. 嘿!免煮免煮!先按呢 hennh! bián tsú bián tsú! sing án-ne ↑---(口白/对话)---↑
唱咱的Melody tshiùnn lán ê Melody 心凉脾土开 sim liâng pî-thóo khui 老朋友来斗阵 lāu pîng-iú lâi tàu-tīn 是欢喜啊的代志啊 sī huann-hí--ah ê tāi-tsì--ah 唱咱的Melody tshiùnn lán ê Melody 心凉脾土开 sim liâng pî-thóo khui 烦恼共放予去啊 huân-ló kā pàng hōo khì--ah 腹内是全趣味 pak-lāi sī tsuân tshù-bī 予咱好过日喔 hōo lán hó kuè-ji̍t--ooh ---
离家多年啊的关心 lî-ka to-nî--ah ê kuan-sim 嘛袂走精 mā buē tsáu-tsing 天下间 thian-hā-kan 就是台湾上惜情喔 tō-sī Tâi-uân siōng sioh-tsîng--ooh 街仔头 ke-á-thâu 巷仔尾 hāng-á-bué 厝边若亲情遐尔亲 tshù-pinn ná tshin-tsiânn hiah-nī tshin 定定喝欲办一桌请你 tiānn-tiānn huah beh pān tsi̍t-toh tshiánn lí
唱咱的Melody tshiùnn lán ê Melody 心凉脾土开 sim liâng pî-thóo khui 老朋友来斗阵 lāu pîng-iú lâi tàu-tīn 是欢喜啊的代志 sī huann-hí--ah ê tāi-tsì 唱咱的Melody tshiùnn lán ê Melody 心凉脾土开 sim liâng pî-thóo khui 烦恼共放予去啊 huân-ló kā pàng hōo khì--ah 腹内是全趣味 pak-lāi sī tsuân tshù-bī
唱咱的Melody tshiùnn lán ê Melody 心凉脾土开 sim liâng pî-thóo khui 老朋友来斗阵 lāu pîng-iú lâi tàu-tīn 是欢喜啊的代志啊 sī huann-hí--ah ê tāi-tsì--ah 唱咱的Melody tshiùnn lán ê Melody 心凉脾土开 sim liâng pî-thóo khui 自今仔日开始 tsū kin-á-ji̍t khai-sí 世界的大门开 sè-kài ê tuā-mn̂g khui 予咱行出来去喔 hōo lán kiânn tshut-lâi-khì--ooh
- 感谢 W.B. Chen 修正歌词
- 友站连结: W.B. Chen
|