- Album Intro
- Lyrics
- Album list
- Singer Intro
張三李四
-
尪仔標
Lyricist:張三 Composer:張三
置我細漢的時 有一種迄逃物 逐天攏嘛帶置底身軀邊 下課的時 就把這些迄逃物 灑灑的對土腳去
大家招招 準備欲開始 拼出輸贏才歡喜 人手一張牌 看誰搧出王牌 單純年代 彩色世界
尪仔標 尪仔標 整通贏夠夠 尪仔標 尪仔標 彼存我尚行 尪仔標 尪仔標 褲袋載滿滿 尪仔標 尪仔標 標
時間袂等人 人會漸漸大漢 孤不理三章 就愛熟識 同款叫作尪仔標 無同款玩法 不是多出力 就會贏多少返來
皇帝的靈魂 拖著乞丐的身軀 現實的生活 逼人認輸 變款的城市 變到無趣味 歹過日子 睏攏袂去
尪仔標 尪仔標 大家底相爭 尪仔標 尪仔標 無固定規矩 尪仔標 尪仔標 不是你倒就是我死 尪仔標 尪仔標 砰
孫悟空有一天也會跟豬八戒並肩作戰唐三藏 小飛俠彼得潘還在飛是不是飛的過無敵鐵金鋼 烙印那記憶的圖案現在閉上眼睛還歷歷在目 史豔文 素還真 藏鏡人還有包青天和小叮噹
尪仔標 尪仔標 不認輸的志氣 尪仔標 尪仔標 欲換誰來訂孤支 尪仔標 尪仔標 變了色的記憶 尪仔標 尪仔標 想起彼當時
啦哩勒咿咿 喔 啦哩勒咿咿 啦哩勒咿咿 喔 啦哩勒咿咿 為啥米 還我尪仔標還我還我尪仔標 為啥米 還我尪仔標還我尪仔標
過了二十冬 我也擱會懷念 彼個紙牌的氣味 尪仔標 尪仔標 你甘擱記得
尪仔標 尪仔標 我攏擱記得
------------------------------------------
6863/《尪仔標》Ang-á-phiau 張三李四樂團Tiunn-sam Lí-sù Ga̍k-thuân
佇我細漢的時 tī guá sè-hàn ê sî 有一種𨑨迌物 ū tsi̍t-tsióng tshit-thô-mi̍h 逐工攏嘛帶佇咧身軀邊 ta̍k-kang lóng-mā tuà tī-teh sin-khu-pinn 下課的時 hā-khò ê sî 就共遮的𨑨迌物 tiō kā tsia-ê tshit-thô-mi̍h 掖掖咧對塗跤去 iā-iā--eh tuì thôo-kha khì 逐家招招咧 ta̍k-ke tsio-tsio--eh 準備欲開始 tsún-pī beh khai-sí 拚出輸贏才歡喜 piànn tshut su-iânn tsiah huann-hí 人手一張牌 lâng tshiú tsi̍t-tiunn pâi 看誰搧出王牌 khuànn siáng siàn tshut ông-pâi 單純年代 tan-sûn nî-tāi 彩色世界 tshái-sik sè-kài
尪仔標 ang-á-phiau 尪仔標 ang-á-phiau 規緟贏夠夠 kui thōng iânn kàu-kàu 尪仔標 ang-á-phiau 尪仔標 ang-á-phiau 彼陣我上𠢕 hit-tsūn guá siōng gâu 尪仔標 ang-á-phiau 尪仔標 ang-á-phiau 褲袋仔袋滿滿 khòo-tē-á tē buán-buán 尪仔標 ang-á-phiau 尪仔標 ang-á-phiau
時間袂等人 sî-kan bē tán lâng 人會漸漸大漢 lâng ē tsiām-tsiām tuā-hàn 姑不二三將 koo put jī-sann tsiong 著愛熟似 tio̍h-ài si̍k-sāi 仝款叫做尪仔標 kāng-khuán kiò-tsuè ang-á-phiau 無仝款的耍法 bô-kāng-khuán ê sńg-huat Find more lyrics at ※ Mojim.com 毋是偌出力 m̄-sī guā tshut-la̍t 就會贏偌濟轉來 tō ē iânn guā-tsuē tńg--lâi
皇帝的靈魂 hông-tè ê lîng-hûn 拖著乞食的身軀 thua tio̍h khit-tsia̍h ê sin-khu 現實的生活 hiān-si̍t ê sing-ua̍h 逼人認輸 pik lâng jīn-su 變款的城市 piàn-khuán ê siânn-tshī 變到無趣味 piàn kàu bô tshù-bī 歹過日子 pháinn kuè ji̍t-tsí 睏攏袂去 khùn lóng buē-khì
尪仔標 ang-á-phiau 尪仔標 ang-á-phiau 逐家咧相爭 ta̍k-ke teh sio-tsinn 尪仔標 ang-á-phiau 尪仔標 ang-á-phiau 無固定規矩 bô kòo-tīng kui-kí 尪仔標 ang-á-phiau 尪仔標 ang-á-phiau 毋是你倒就是我死 m̄-sī lí tó tiō-sī guá sí 尪仔標 ang-á-phiau 尪仔標 ang-á-phiau 迸 piáng!
孫悟空有一天也會跟豬八戒並肩做戰唐三藏 sūnwùkōng yǒu yī tiān yě huì gēn zhūbājiè bìngjiān zuòzhàn tángsāncáng 小飛俠彼得潘還在飛是不是飛得過無敵鐵金鋼 xiǎofēixiá bǐdépān hái zài fēi shìbùshì fēi dé guò wúdítiějīngāng 烙印那記憶的圖案現在閉上眼睛還歷歷在目 làoyìn nà jìyì de túàn xiànzài bì shàng yǎnjīng hái lìlìzàimù 史豔文 Sú Iām-bûn 素還真 Sòo-huân-tsin 藏鏡人 Tsông-kiànn-jîn 還有包青天和小叮噹 háiyǒu bāoqīngtiān hán xiǎodīngdāng
尪仔標 ang-á-phiau 尪仔標 ang-á-phiau 毋認輸的志氣 m̄ jīn-su ê tsì-khì 毋認輸的志氣 m̄ jīn-su ê tsì-khì
尪仔標 ang-á-phiau 尪仔標 ang-á-phiau 欲換誰來孤支 beh uānn siáng lâi koo-ki 咱來比孤支 lán lâi píkoo-ki
尪仔標 ang-á-phiau 尪仔標 ang-á-phiau 變了色的記持 piàn liáu sik ê kì-tî 喔~尪仔標 ooh~ ang-á-phiau 喔~尪仔標 ooh~ ang-á-phiau 想起彼當時 siūnn-khí hit-tong-sî ---
啦哩咧咿咿喔 lah-lih-leh-ih-ih--ooh 啦哩咧咿咿 lah-lih-leh-ih-ih 啦哩咧咿咿喔 lah-lih-leh-ih-ih--ooh 啦哩咧咿咿 lah-lih-leh-ih-ih
為啥物 uī-siánn-mih 還我尪仔標 hîng guá ang-á-phiau 還我還我尪仔標 hîng guá hîng guá ang-á-phiau 為啥物 uī-siánn-mih 還我尪仔標 hîng guá ang-á-phiau 還我尪仔標 hîng guá ang-á-phiau
過了二十冬 kuè-liáu jī-tsa̍p tang 我猶閣會懷念 guá iáu-koh ē huâi-liām 彼个紙牌仔的氣味 hit-ê tsuá-pâi-á ê khì-bī 尪仔標 ang-á-phiau 尪仔標 ang-á-phiau 你敢閣會記 lí kám koh ē-kì 尪仔標 ang-á-phiau 尪仔標 ang-á-phiau 我攏閣會記 guá lóng koh ē-kì
- Special thanks to W.B. Chen for correcting the lyric.
- Related Links: W.B. Chen
|