- Lyrics
- Album list
合輯(2008年發行)
-
盪鞦韆(台語)(葉開揚)
17735/《幌韆鞦》Hàinn Tshan-tshiu 葉開揚Ia̍p Khai-iông
啦啦啦啦啦啦啦啦 lah lah lah lah lah lah lah lah
看街仔路的人 khuànn ke-á-lōo ê lâng 欲對佗位行 beh uì tó-uī kiânn 心情起起落落 sim-tsîng khí-khí-lo̍h-lo̍h 喙角失去了笑容 tshuì-kak sit-khì liáu tshiò-iông 為著生活 uī-tio̍h sing-ua̍h 無閒咧奔波 bô-îng teh pun-pho 到落尾 kàu lo̍h-bué 啥物攏總無 siánn-mih lóng-tsóng bô
行過四季 kiânn kuè sù-kuì 春夏秋冬 tshun-hā tshiu-tang 四界走傱 sì-kè tsáu-tsông 咱又閣一再的 lán iū-koh it-tsài--ê 袂記快樂 bē-kì khuài-lo̍k 想起快樂 siūnn-khí khuài-lo̍k
坐佇韆鞦幌啊 tsē tī tshan-tshiu hàinn--ah 親像這款的自然 tshin-tshiūnn tsit khuán ê tsū-jiân 咱有偌久無閣感受 lán ū guā kú bô koh kám-siū 坐佇韆鞦幌啊 tsē tī tshian-tshiu hàinn--ah 吹來溫柔的南風 tshue lâi un-jiû ê lâm-hong 溶去遮濟憂愁 iûnn khì tsiah tsē iu-tshiû
看著公園囡仔 khuànn-tio̍h kong-hn̂g gín-á 自由咧𨑨迌 tsū-iû teh tshit-thô 歡歡喜喜咧逐 Find more lyrics at ※ Mojim.com huann-huann-hí-hí teh jiok 這咱細漢嘛攏有 tse lán sè-hàn mā lóng ū 大漢了後 tuā-hàn liáu-āu 無閒咧奔波 bô-îng teh pun-pho 到落尾 kàu lo̍h-bué 啥物攏總無 siánn-mih lóng-tsóng bô
行過四季 kiânn kuè sù-kuì 春夏秋冬 tshun-hā tshiu-tang 四界走傱 sì-kè tsáu-tsông 咱又閣一再的 lán iū-koh it-tsài--ê 袂記快樂 bē-kì khuài-lo̍k
坐佇韆鞦幌啊 tsē tī tshan-tshiu hàinn--ah 親像這款的自然 tshin-tshiūnn tsit khuán ê tsū-jiân 咱有偌久無閣感受 lán ū guā kú bô koh kám-siū 坐佇韆鞦幌啊 tsē tī tshan-tshiu hàinn--ah 吹來溫柔的南風 tshue lâi un-jiû ê lâm-hong 溶去遮濟憂愁 iûnn khì tsiah tsē iu-tshiû
坐佇韆鞦幌啊幌 tsē tī tshan-tshiu hàinn--ah hàinn 浸佇純真的感動 tsìm tī sûn-tsin ê kám-tōng 感覺真正足好 kám-kak tsin-tsiànn tsiok hó 坐佇韆鞦幌啊幌 tsē tī tshan-tshiu hàinn--ah hàinn 我真想欲親像按呢 guá tsin siūnn-beh tshin-tshiūnn án-ne 簡單的快樂 kán-tan ê khuài-lo̍k 簡單的快樂 kán-tan ê khuài-lo̍k 啦啦啦啦啦啦啦啦 lah lah lah lah lah lah lah lah
- Special thanks to W.B. Chen for sharing the lyric.
- Related Links: W.B. Chen
|